Semaforo bidez erregulatutako oinezkoentzako pasabide berri batek oinezkoen segurtasuna hobetuko du La Bondad kaleko azken tartean
Oinezkoen segurtasuna nabarmen hobetuko da La Bondad kalean, Dyaren biribilgunearen parean. Hala jakinarazi du gaur goizean Jon Andoni Uria Auzoetarako eta Hirirako Obra eta Zerbitzuen zinegotziak. Era berean, gogorarazi du proiektu hau Aurrekontu Parte-hartzaileetan barakaldarrek gehien bozkatu zuten proiektuetako bat izan zela.
Segurtasuna hobetzeko, zebra-bide berri bat sortuko da, zeina semaforo baten bidez araututa egongo baita La Bondad kaleko azken tartean. Hori aldarrikatzen zuten lehen, hain zuzen ere, inguru horretatik igarotzen diren eta espaloiaren noranzkoa aldatzeko Dolores Ibarruri bidegorriraino igo behar duten pertsonek, izan ere, gaur egun ez dago oinezkoentzako pasabiderik. Proposamenak, herritarrek Aurreko Parte-hartzaileetan parte hartzeko prozesuaren bidez gauzatua, barakaldarren abala jaso du, 626 boto eman baitzizkioten proposamen honi. "Jende asko ibiltzen den ingurua da eta proiektu honek hobekuntza handia ekarriko die oinezkoei, oinezkoentzako pasabide berri honekin segurtasun eta erosotasun handiagoa lortuko baitute", adierazi du Uriak.
Obran honako hau gauzatzea aurreikusten da: oinezkoentzako pasabide bat, beheratua, semaforo bidez erregulatua supermerkatuaren biribilgunearen eta gaur egun dagoen oinezkoentzako pasabidearen artean. Horrez gain, La Ribera etorbidetik datorren espaloiaren azken tartea zabalduko da oinezkoentzako pasabide berriarekin lotzea ahalbidetzeko. Zoladura berrituko da kaltetutako guneetan, argiteria publikoa aldatuko da eta euri-uren saneamendua zabalduko da. Azkenik, hiri-altzariak jarri eta birjarriko dira (paperontziak eta barandak), eta gune berdeak egokituko dira. Seinaleztapen bertikal berria jarriko da ere oinezkoentzako pasabide bat eta semaforoak daudela jakinarazteko zein zirkulazio-abiadura mugatzeko.
Obrak 70.000 euroko aurrekontua du eta 2 hilabete inguruko gauzatzeko epe bat kontratua sinatzen denetik.
(ITURRIA: Barakaldoko Udala)
Partekatu:
Facebook 