Nagusi Azokan hiri ortua egiteko tailerra eskainiko du Barakaldok
130 metro koadroko standa izango du aurten ere Barakaldok Nagusi adinekoen azokan. Asteburu honetan eskainiko du Barakaldoko adinekoen gizarte zentroetan antolatzen diren jarduera eta zerbitzu sorta bat. Oraingoan, hiri ortu bat egiteko tailerra izango da nobedadea; horrela jakingo dute adinekoak nola prestatu ortu bat beren balkoian, bai eta zer eta noiz landatu ere.
Bederatzi adinekoentzako udal zentroz osatutako sarea du Barakaldok udalerriko hainbat auzotan barreiatuta. Adinekoek beraiek kudeatzen dituzte “eta horrek bihurtzen ditu zentroen jardunaren benetako protagonista, eurek hartzen baitituzte erabakiak, bai eta erantzuten eskaerei eta egiten gustuko eta nahi dutena ere” esan du Barakaldoko Udaleko Gizarte Ekintzako zinegotzi Mikel Antizarrek.
Aurtengo Nagusi azokan Gurutze Lagun, Argenta, La Siebe Lagun, Etxatxu, Bizitza Lasaia, Ondo Bide, Gure Toki eta ErrekaOrtu zentroek hartuko dute parte. Lehenengo aldia du, bestalde, ateak otsailean zabaldu zituen Arrontegiko Nagusiak Zentroak. Udal Kirol Erakundearen eta gimnasiako taldeen laguntza berezia jasoko dute, baita Barakaldoko Udal Bandarena ere.
“Adinekoen zentroetako arduradun eta bazkideen inplikazio eta ahaleginari esker, jarduera programa zabala izango dugu, urte osoan egindako lanaren isla" aurreratu du Antizarrek. Besteak beste, pintura eta eskulanen erakusketa, Gure Toki abesbatzaren emanaldia, eta eho-ziri lanari buruzko tailerra. Ez dira faltako, noski, igel txapelketa, txapela eta dardoak jaurtitzekoa eta abar.
“Hiri ortu bat zure balkoian” izeneko tailerra izango da jarduera nagusia. “Jarduera honen helburuak dira: adinekoek erantzukizun bat izatea, nolabaiteko ariketa fisikoa eskatzen duen aztura sortzea, elikadura osasungarria sustatzea, adimenari eta nor izateari mesede egiten dion lan sortzailea eragitea. Bide batez, memoria ariketak egingo dituzte, landan ikasitakoa gogoratzean” azaldu du zinegotziak. "Asko dira interes handia duten nagusiak, iraganean nekazari aritu direlako. Guk, etxean bertan, jarduera horretan aritzeko aukera emango diegu” erantsi du.
Arrontegiko Nagusiak Zentrokoen mintzaldi bat ere izango da Barakaldoko standean. Barakaldo eta Arrontegi auzoaren historian murgilduko gara, argazkiek lagunduta, eta horrela, Barakaldo industriala nolakoa zen hobeto ezagutu ahal izango dute gaztetxoenek. “Belaunaldiarteko jarduerak sustatzen jarraitu nahi dugu. Adinekoen zentroak horretan dihardute, eta ateak zabaldu dizkiete belaunaldi arteko harremanak
BELAUNALDIARTEKO MARTXA ERREKATXORA
Familia osoak gozatzeko eta Barakaldoko birika berdera hurbildu eta aztura osasungarriak sustatzeko aukera paregabea izango da Belaunaldiarteko Errekatxora Martxa. Barakaldoko zentro arteko mendi-ibilien taldeak hartuko du parte martxa honetan. Duela bi urte luze hasi ziren hamabostero Barakaldoko eta inguruko udalerrietako hainbat lekutara joaten. Aurten ere egon nahi dute azokan, zahartze aktiboaren eredu gisa.
“Programa zabala prestatu du Nagusi 2017k asteburu osorako, eta herritar guztiak animatu nahi ditu BECera gozatzera etor daitezen" esanez amaitu du.
NAGUSI 2017 PROGRAMA
HILAK 20, OSTIRALA HILAK 21,LARUNBATA HILAK 22, IGANDEA
11:00h. Margolan erakusketa, Adinekoen ARGENTA gizarte zentroak antolatua.
11:30h. Dardo txapelketa, Adinekoen Ondo Bide gizarte zentroak antolatua.
12.00h. Inaugurazio ekitaldia
12:00h. Barakaldoko Udal Musika Bandaren emanaldia agertoki nagusian.
13:00h. Udal standaren inaugurazioa.
17:00h. Eskulanen erakusketa (kakorratz-lanak/puntu-lanak), Adinekoen ERREKA-ORTU gizarte zentroak antolatua.
17:30h. Hitzaldi-solasaldia: “Arrontegi denboran zehar”. Adinekoen ARRONTEGIKO NAGUSIAK elkarteak antolatua.
19:30h. Gure-Toki abesbatzaren emanaldia agertoki nagusian. GURE-TOKI Adinekoen Elkartea.
10:00h. Belaunaldien arteko martxa: BEC-ERREKATXO-BEC
11:00h. Gimnasia (Barakaldoko UKE), agertoki nagusian.
11:30h. Tailerra: hiri ortua zure balkoian
13:00h BINGOA. Agertoki nagusian. Adinekoen ARGENTA elkarteak antolatua.
14:00h. Eltze txapelketa eta bazkari herritarra
17:00h. Ehoziri lanen erakusketa, Adinekoen BIZITZA LASAIA gizarte zentroak antolatua.
17:00h. - 18:30h Eskulanen sortze-tailerra, “loreontzietarako makilatxo apaingarriak”. Adinekoen GURUTZE LAGUN gizarte zentroak antolatua.
11:30h. Eskulanen erakusketa, Adinekoen ARGENTA eta ONDO BIDE gizarte zentroek antolatua.
11:30h. Igel txapelketa, Adinekoen Etxatxu gizarte zentroak antolatua.
11:30h. Txapel jaurtiketa txapelketa, Adinekoen ERREKA-ORTU gizarte zentroak antolatua.
12:00h. MEZA ERROZIEROA, agertoki nagusian
14:00h. Paella txapelketa.
16:00h. ESKULANEN ERAKUSKETA, Adinekoen ARGENTA eta ONDO BIDE gizarte zentroek antolatua.
18:30h. Sari-banaketa, udal agintariak eta zuzendaritza batzordeko kideak bertan izango dira.
Partekatu:
Facebook 