Iaz, Barakaldon, 2.200 lagun baino gehiagori egin zieten arreta esku-hartze taldeek

Udalak gaur jakitera eman duenez, eremuak eskaintzen duen gizarte eta hezkuntza arloko esku-hartze zerbitzuak Barakaldoko 2.259 bizilagun artatu zituen 2021ean. 1.427 lagunek parte hartu zuten eskainitako programa komunitarioetan, eta 275 familia, 832 adingabe eta heldu, banaka edo zerbitzuaren talde-eskaintzaren bidez artatu zituzten.

Esku-hartze taldeek (EISE) 20 urte baino gehiagoko esperientzia dute. Babesgabetasun-arriskuko egoerak prebenitu eta artatzea dute helburu. Udalerriko familiei, haurrei eta nerabeei laguntza ematen diete zailtasun pertsonalak, familiarrak eta sozialak gainditzeko. Udalak azaldu duenez, bi hamarkada hauetan zerbitzu horren erabilgarritasuna frogatu da, eta udalerri askok Barakaldo eredutzat hartu dute beren gizarte- eta hezkuntza-politiketan.

2020. urtearekin alderatuta, iaz nabarmen igo zen artatutako barakaldarren kopurua; izan ere, orduan kopurua 1.650 pertsonara jaitsi zen, Covid-19k eragindako konfinamenduaren eta ondorengo deseskalatzearen ondorioz.

Zerbitzuak adingabe guztiei eta haien familiei zuzendutako prebentzio-jardueraren ildo bati eusten dio, bai eta zailtasunak banaka artatzen dituen arreta pertsonalizatuko beste ildo bati ere. Ildo hori beharren arabera osatzen da, talde-jarduketen bidez. Banaka eta taldeka artatutako biztanleriaren % 45 adingabeak dira.

Taldeak gizarte-hezkuntzako profesionalek osatzen dituzte, eta Haur, Gazte eta Familia Burutzaren zuzendaritzapean egiten dute lana. Gurutzetan (kanpoko EISE), Dolores Ibarruriko bidegorrian eta San Bizenten daude, udalerri osora iristeko.

BURUKO PATOLOGIAKO KASUEK GORA

Udalak azaldu duenez, banakako arretan patologia mentala duten kasuen kopuruak ez ezik, parekoen eta gurasoen arteko indarkeriak, sintomatologia autolitikoa duten nerabeak, eskola-absentismoak, isolamendu sozialak eta sexu-identitate arazoek ere gora egin dute adingabeen eta helduen artean.

Udalak adierazi du, halaber, esku-hartzearen intentsitate handia eskatzen duten egoera konplexuak gertatzen direla, eta artatutako biztanleriaren % 52 emakumeak direla.

Zerbitzuaren talde-eskaintza zabala da, eta zaintzaile helduei eta 6 eta 18 urte bitarteko adingabeei zuzenduta dago, adin-tarteen arabera. "Txikienekin, 0-5 urte bitartekoekin, familientzako guneak eskaintzen dira. Hainbat alderdi lantzen dira, hala nola emozioak, gizarte- eta harreman-trebetasunak, arauak, balioak, jarrera positiboak. Gune horietan beharrak adieraz daitezke, eta taldea kontrasterako eta erreferentziarako elementu bat da, hainbat testuingurutan egoera konplexuei aurre egitea, pertsonen arteko harremanak eta ongizate subjektiboa hobetzea eta arrisku-faktoreak prebenitzea errazten duena", Udalak zehaztu duenez.

Programa komunitarioak nagusiki hezkuntzaren esparruan egiten dira. Barakaldoko ikastetxeak dira adingabeek dituzten zailtasunak hautemateko eragile nagusiak. Horregatik, lankidetza-harreman estua dute EISEek eta elkargoek.

Aurten, 10 prebentzio-programa baino gehiago aktibatu dira Lehen Hezkuntzako, Bigarren Hezkuntzako, Batxilergoko edo Lanbide Heziketako ikastaroetarako. Horietako batzuetan familiek ere hartzen dute parte.

Hona hemen, besteak beste, programa hauek: «Pegarik gabe» (indarkeria erabili gabe eguneroko bizitzako egoerei aurre egiteko beharrezkoak diren gizarte- eta komunikazio-trebetasunetan entrenatzea), «Apo musuak» (sexualitatearen ariketa arduratsua errazten duten ezagutzak eta trebetasunak eskuratzea sustatzen du) eta «Bata-bestea» (bizikidetza demokratikorako, elkarrekiko errespeturako eta eguneroko bizitzan arduraz parte hartzeko ohiturak hartzea proposatzen du).

Eragin handia izan duen beste programa komunitario bat honako hau izan da: «Behin eta berriro experience', adingabeak gure eguneroko bizitzan ikusten den indarkeria sexistaren inguruan sentikortzera bideratua.

Jarduera horiek alde batera utzita, EISEek kaleko esku-hartzeak ere egiten dituzte, arrisku-egoeran dauden adingabeak detektatzeko, sozializazio-prozesuari laguntzeko eta adingabeak eguneroko harreman-ingurunean garatzeko. Ohitura, jarrera eta jokabide desegokiak aldatzea da helburua.

Twitter

Facebook