Ekonomia Sustatzeko Sailareb Foru Diputatu Ainara Basurkok Barakaldo bisitatu du, Eskualdeko Lehiakortasuneko programen eragina aztertzeko
Ainara Basurko Bizkaiko Foru Aldundiko Ekonomia Sustatzeko diputatua Amaia del Campo Barakaldoko alkatearekin eta Inguraldeko eta udalerriko Ekonomia Sustapenaren arloko arduradunekin bildu da, eskualdeko lehiakortasun-programen eragina aztertzeko. Bizkaiko enpresen lehiakortasuna hobetzeko Foru Aldundiak BEAZekin batera bultzatutako "Bizkaia Orekan sakonduz" ekimenaren barruan kokatzen da topaketa.
"Topaketa honek aukera ematen digu ekonomiaren sustapenaren arloan egindako lanak partekatzeko, ikuspegi bateratu batetik, eta erakundeok bideratzen ditugun baliabideek helburu komuna eta osagarria dutela eta eraginkorrak direla bermatzeko", ziurtatu du Amaia del Campo alkateak.
Ainara Basurko diputatua Lurralde Lehiakortasun eta Turismoko zuzendari nagusi Cristina Mugicarekin eta BEAZeko Nuria Larrañagarekin egon da.
Hiru atal nagusi izan ditu saioak. Alde batetik, Inguraldek eskualdeko lehiakortasuna sustatzeko egindako lana aurkeztu du. Bestalde, Aldundiak Sailaren programek eskualdeko enpresa-sarean duten eragina aztertu du. Eta, azkenik, hausnarketa bateratu bat egin dute Udalak eta Aldundiak, etorkizunean elkarrekin lan egiteko behar, erronka eta aukerei buruz.
Bizkaia Orekan Sakonduz
Bizkaia Orekan sakonduz Bizkaiko Foru Aldundiko Ekonomia Sustatzeko Sailaren eta BEAZen lankidetza-ekimena da, tokiko eta eskualdeko garapen-agentziekin batera (horien artean dago Ingurakde), eta lurraldeko enpresen lehiakortasuna modu orekatuan sustatu nahi du.
Haren helburua prozesu hori indartzea da, Bizkaiko lurralde osoan dauden industria-ehunaren eta zerbitzu aurreratuen lehiakortasun-palanken gainean jarduteko; horrela, hazkunde jasangarria eta kalitatezko enplegua sortuko dira. Azken helburua elkarlaneko gobernantza-eredu bat eraikitzea eta finkatzea da. Eredu horretan, enpresa-sarera bideratutako ekimenen garapena bultzatuko da, berrikuntzaren, nazioartekotzearen eta ekintzailetza aurreratuaren bidez lehiakortasuna sustatzeko, garapen jasangarriaren helburuekin bat etorriz.
(ITURRIA: Barakaldoko Udala)
Partekatu:
Facebook 