EAJ-PNVk Barakaldok Oiola urtegia udal hornitzeko sarera konektatu gabe jarraitzea espero du
Euzko Alderdi Jeltzaleak espero du Barakaldoko gobernu sozialista taldeak barakaldarrei ez huts egitea eta, beste garai batzuetan bezala, azken batzarrean osoko bilkurak hartutako erabakiari entzungor ez egitea. Batzar honetan EAJ-PNVko mozio bat onartu zen. Mozio honen bidez, Udalari eskatzen zitzaion Oiola urtegia udal hornitzeko sarera ez konektatzea, edozein kutsatzaile-foku kendu eta ez dagoela arriskurik ziurtatu arte.
Osoko bilkurak onartutako gaiak:
- Oiola urtegiko kudeaketan inplikatutako erakunde guztiei (Barakaldoko udala, Bilbao Bizkaia Ur Patzuergoa, Ur Agentzia-URA eta Eusko Jaurlaritzako Osasun Saila) premiatzea Oiola urtegian HCHgatik kutsaduraren jarraipen-batzordea biltzen jarraitzera eta bertan, hemengo elkarte interesatuei partaidetza bermatzera.
- Udalak Oiola urtegia udal hornitzeko sarera ez konektatzea bermatzea, edozein kutsatzaile-foku kendu arte, arrisku kutsatzailerik ez dagoelako erabateko ziurtasuna egoteko.
EAJ-PNVk Barakaldoko PSEk beraientzat eragozpen diren mozioak ez betetzeko ohiturarekin ez jarraitzea espero du. Aurrekariak ez dira itxaropentsuak, are gehiago osoko bilkuran zehar Ingurumen zinegotziaren jarrera kontuan hartzen badugu, gure alderdiak eta beste oposizioko alderdi batek egindako galderak erantzuteari hiru aldiz uko egin baitzion. Galdera hauek egin genituen osoko bilkurak agindutakoa beteko zuen jakiteko. Bere erantzuna isiltasuna izan zen, oso kezkagarria iruditzen zaiguna.
Partekatu:
Facebook 