Barakaldoko Udal Aurrekontuen onarpena blokeatu nahi dute EH Bilduk, PPk eta Elkarrekin Podemosek
Alderdi politikoek batzordetik alde egiteko eta bozketa saihesteko akordio bat izan dute; horrek quorumik gabe utzi du bilera, eta ondorioz, ezin izan da hurrengo osoko bilkurako gai-zerrendan sartu. Premiazko Ogasun Batzordea deitu da, eta, azkenean, aurrekontuen akordio-proiektuaren bozketa egin ahal izan da , oposizioaren abstentzioarekin. 2024ko kontuak datorren asteazkeneko udalbatzan, hilak 27, bozkatuko dira, eta Barakaldok bere historiako aurrekonturik altuena izango du: 140 milioi euro.
EH-Bildu, PP eta Elkarrekin Podemosen arteko akordio batek Barakaldoko Udal Aurrekontuen onarpena blokeatu nahi izan du. Gaur goizean egindako Ogasuneko informazio-batzordetik alde egin dute hiru alderdiek akordio-proiektua bozkatzeko unean. Ekintza horrek indarrik gabe utzi du batzordea, Udal Araudi Organikoan (AJA) eskatzen den quoruma hausten zelako, eta, beraz, Udal Aurrekontuak Udal Osoko Bilkuran eztabaidazea eragozten zuelako. Egoera horren aurrean, premiazko Ogasun Batzorde bat deitu da, sortutako egoera azaltzeko eta bozketa errepikatzeko. Azkenean, oposizioaren abstentzioarekin egin da.
Barakaldoko Udalak joan den otsailean jarri zuen martxan udal aurrekontuak onartzeko Udal Araudi Organikoan legez ezarritako prozedura. Hau da, udal-taldeei helarazi zitzaien gobernu-taldeak sortutako aurrekontu-proiektua, eta 15 egun balioduneko epea ireki zen (otsailaren 23tik martxoaren 15era) oposizioko talde politikoek zuzenketak aurkezteko.
Denbora horretan, gobernu-taldeko hainbat zinegotzik bilerak egin dituzte oposizioko bozeramaileekin, partida desberdinei buruzko zalantzak argitzeko eta kontsultei erantzuteko, elkarrizketarako eta elkar ulertzeko prest daudela adierazteko. Baina behin epea amaituta, oposizioko talde batek ere ez du zuzenketarik aurkeztu bere proposamenak aurrekontuen proiektuan sartzeko.
AURREKONTUA BLOKEATZEKO ASMOA
Ogasun Batzordea gaur goizean bildu da aurrekontuen proiektua aurkeztu eta datorren martxoaren 27ko (asteazkena) osoko bilkuran onartzeko ahal izateko. EH-Bildu, PP eta Elkarrekin Podemos alderdien arteko ituna izan da, gobernu-taldearen jarduna blokeatzeko, eta udalerrirako aurrekontu berria blokeatzeko zorian egon da. Herritarrei kalitatezko zerbitzuak ematen jarraitu ahal izateko eta auzoetako berrikuntza-lanetan aurrera egin ahal izateko funtsezkoa da aurrekontua onartzea. Gogoratu behar da aurtengoa Barakaldok izan duen udal-aurrekonturik handiena dela, 140 milioikoa baita.
Azkenik, gobernu taldearen jarduera bizkorrari esker, desinformazioagatik edo fede txarragatik sortutako egoera konpondu ahal izan da, eta azkenik, udal aurrekontuak hurrengo udalbatzan eztabaidatu eta bozkatu ahal izango dira..
(ITURRIA: Barakaldoko Udala)
Facebook 