Barakaldok hobetu egin du udalbatzen zuzeneko emanaldia parte-hartzea eta udal gardentasuna handitzearren
Barakaldoko Udalak osoko bilkurak zuzenean emateko teknologia berritu egin du. Hemendik aurrera osoko bilkurak Internet bidez ikus daitezke kalitate hobeaz eta pantaila osoan. Ekimen honen bidez, herritarrei hilaren azken ostegunean egiten diren eztabaidak egungo arazorik gabe jarraitzeko aukera eman nahi diegu.
Orain arte, udalbatzak emateko sistemak arazoak sortzen zizkien erabiltzaileei, behin eta berriro eskatzen baitzien eguneratzeko. Orain arte, pantaila txikia zen, eta nekez ikus zitekeen nor ari zen hitz egiten batzarrean.
Emanaldiak kalitate hobea izango du erabiliko den sistema berriari esker, batzarra kalitate onean, garbi eta pantaila osoan ikusi ahal izango da.
Horretarako, nahikoa da udal webgunean sartu (www.barakaldo.org) eta `Zuzeneko emanaldiak´ hautatzea, eta bertatik egongo da emanaldi berria ikusteko aukera.
Neurri horri esker, Udalean erabakitzen diren gaiak edota kontuak nola dauden jakiteko aukera handiagoak dituzte barakaldarrek, bide batez, herritarren parte-hartzea eta kudeaketaren gardentasuna ere hobetzen dira. Gogoratu behar dugu, 2011. urtean, oraindik oposizioan zegoela, EAJ-PNV alderdiak egindako proposamenari esker hasi zela Barakaldo udalbatzak zuzenean ematen, herritarrek beraien ordenagailuetatik jarrai ditzaten osoko bilkurak.
AZKEN LEGEGINTZALDIETAKO GRABAZIOAK
Gobernu taldeak barakaldarren eskura jartzea erabaki du aurreko legegintzaldian eta oraingoan egindako udal batzarren bideoak, baina kalitate hobean.
Facebook 