Barakaldok emakumeek zientzian duten zeregina ikusarazi nahi du, neska eta nerabeak ikasketa zientifikoak aukeratzera animatuko dituzten erreferenteak sortzeko

Gaur, Zientziaren Arloko Emakume eta Nesken Nazioarteko Eguna ospatzen da. Jardunaldi horretan, Barakaldoko Udala emakumeek zientzian duten zeregina ikusarazten saiatzen da, neska eta nerabeak ikasketa zientifikoak aukeratzera animatuko dituzten erreferenteak sortzeko, izan ere, esparru horretan historikoki gizonezkoak gailendu izan dira. Gaur goizean, Amaia del Campo alkateak azpimarratu du ahotsa eman behar zaiela emakumeek zientziaren munduan lortu dituzten erdiespenei. Horretarako, ekitaldian Cristina Penas Barakaldoko zientzialaria ere egon da. Zientzialari horrek gaurko jardunaldirako antolatutako udal-tailerretako bat emango du, eta EHUko 50 emakume zientzialari baino gehiagoren esperientzia biltzen duen proiektu bat sortu du.

Udalak hainbat jarduera antolatu ditu emakumeek zientzian duten zeregina ikusarazteko. Ekintza horiek guztiak ikasle eta gazteei zuzenduta daude, eta horiei ikasketa zientifikoek eskaintzen dituzten aukerak hurbildu nahi zaizkie. Ikastetxe desberdinetako 140 ikasle baino gehiago igaro dira astean zehar Zientzia Emakumeak erakusketaren zirrikituak ikustera. Nor da Nor? Ginkana baten bidez, eta Hedy Lamar ingenieriarekin mezuak deszifratzen tailerra. "Isabel Ruiz Ruiz artista grafikoak irudiztatutako erakusketak 12 emakume zientzialari historiko aurkezten ditu, eta horien historia Barakaldoko 12 emakume zientzialari-ikerlarik kontatuko dute. Erakusketa horrek bisita asko egin ditu, eta datorren astetik aurrera ikastetxeak zeharkatuko ditu. Orain arte, Barakaldoko bost ikastetxe baino gehiagoren eskaera jaso dugu", adierazi du Del Campok.

EMAKUMEEK ZIENTZIAN EGINDAKO LANA IKUSARAZTEA
Gainera, gaur arratsaldean hiru tailer zientifiko-teknologiko egingo dira eta hamar bat pertsonek hartuko dute parte bakoitzean. Horietan, hainbat gai landuko dira, hala nola emakume medikuek historian zehar egindako aurkikuntzak, espaziora bidaiatu zuen lehenengo emakumea edo bi emakume zientzialarik DNAren inguruan egindako aurkikuntzak. Tailerretako bat, #nosotrascuramos#nosotrasinvestigamos #Guksendatzendugu#Gukikertzendugu Cristina Penasek emango du. Zientzialari barakaldar horrek Euskal Herriko eta Estatuko 50 emakume zientzialari baino gehiagok osasunaren esparruan egindako lana biltzen duen proiektu garrantzitsu bat egin du. Lanak #SheMentoring ¿ Mujeres que hacen ciencia y podrías cruzarte por la calle- Zientzia egiten duten emakumeak eta kalean topa ditzakezunak izena du. Proiektu horretan, Udala lanean ari da ezagutarazteko eta emakumeek zientzian duten zeregina gizarteratzeko.

"Guk uste dugu ezinbestekoa dela ikasleek emakumeek historian zehar zientziaren esparruan egin dituzten aurrerapenak ezagutu eta ikastea. Sariak irabazi dituzten eta aitortuak izan diren emakumeak. Baina, era berean, bozgorailu hori izan ez duten emakume zientzialari asko daude, emakume normalak direnak, kalean topa ditzakegunak, eta horrek animatu du hain zuzen ere Cristina gaur Udaletik ezagutzera ematen dugun lan hori egitera. Kaletik gurutzatu ditzakezun emakume zientzialariak. Orain dela urte asko zientzia ikasteko urratsa eman zuten eta oraintxe bertan nagusiak direnean zer egin nahi duten pentsatzen ari diren ikasleentzako erreferente izan daitezken emakumeak", adierazi du alkateak.

"Clara Campoamor kultur etxean egiten ditugun tailerrekin lotuta, #SheMentoring ekimena bururatu zitzaidan; zera pentsatu bainuen: Zenbat emakume dauden unian Zientzia ikasten eta jendeak ez daki. Eta ikusgai jartzen bagara? Hori dela eta, parte hartzeko deialdi bat egin nuen eta harrera oso ona izan zuen; horren emaitza dossier osoa eta sare sozialetako kanpaina izan ziren, ia 50 emakumeren ekarpenekin. Nire helburu nagusia da lehenengo edizio horrek ahalik eta oihartzun handiena izan dezala eta txiki zein gazteengana iritsi dadila" adierazi du Penak, eta eskerrak eman ditu Udalak egindako zabalpenarengatik.

GAZTEEK EGINDAKO JARDUERAK
Bestalde, Giltzarri gazteria zerbitzuak, topalekuen bidez, emakume zientzialari, sortzaile, youtuber eta abarren mural bat egiten dihardu. Horrez gain, Kahoot joko interaktiboa bultzatu da, emakumeak zientzian gaiari buruzko erroska batekin; eta esperimentu zientifikoen tailerra.

(ITURRIA: Barakaldoko Udala)

Twitter

Facebook