460.000tik gora euro inbertitu ditu Udalak 30 urteotan Barakaldo Antzokiko instalazioetan egindako lehenengo eguneratzean

Barakaldo Antzokiak instalazioak hobetzeko obra garrantzitsuak egingo ditu aurten. Zehazki, antzoki barakaldarraren estalkia hobetuko da, Bizkaiko Foru Aldundiaren eskutik dantza-gela bat sortuko da antzinako entsegu-gelan eta aldagelak eraberrituko dira. Udalak 460.000 euro baino gehiago inbertituko ditu lan horietan, makineriaren hobekuntzak eta argiztapen eszenikoa barne.

Barakaldo Antzokia 1990ean eraiki zuten. 30 urte igaro ondoren, beharrezkoa da haren instalazioetan jardutea, eraberrituz eta iriste-errazagoa bihurtuz, bai herritarrentzat, bai jarduteko Barakaldora joaten diren konpainia, artista eta taldeentzat. "2019an iragarri genuen Barakaldo Antzokia eraberritzeko proiektua egingo zela. Proiektu horretan, bereziki azpimarratu genituen eraikinaren egiturazko beharrak, beste 30 urteko estreinaldiei gutxienez aurre egin ahal izateko. Koronabirusaren pandemiaren eztandarekin obrak atzeratu egin behar izan dira, baina orain iragarri dezakegu berrikuntza horiek ilusioz eta gogoz hasiko ditugula ", adierazi du Rakel Olallak, Barakaldo Antzokiko presidenteak.Alde horretatik, gaur egun, dantza-aretoa egokitzeko lanak egiten ari dira. Antzokiaren sotoan zegoen aretoa, eta, Bizkaiko Foru Aldundiarekin lankidetzan, sorkuntzarako erreferentzia-gune bihurtuko da, lurraldeko dantzaren sektore profesionalak erabil dezan. Proiektu horrek 200.000 euroko inbertsioa eskatzen du, eta horietatik 50.000 Aldundiak jarriko ditu.Osagarri gisa, dantza-gelaren ondoan dauden aldagelak berrituko dira, haien iriste-erraztasuna hobetu behar baita. Horrela, 110.110 euro inbertituko dira (BEZa barne) aldagela horiek eta barruan dauden komunak egokitzeko, iriste-errazago bihurtuz, espazioaren higiene-baldintzak hobetuz eta zoru erradiatzaileko berokuntza-sistema ezarriz. Obrak atzo atera dira lehiaketa publikora, eta proposamenak aurkezteko epea uztailaren 5era arte egongo da zabalik. Lanek, gehienez ere, 12 aste iraungo dute, eta, horretan dihardutenean, ez dute eraginik izango antzerkiaren ohiko funtzionamenduan.

ESTALKIA ERABERRITZEKO LANAK, UDAN
Barakaldo Antzokia eguneratzeko prozesu honetan, proiekturik garrantzitsuena estalkia da. Horrela, bada, 170.610 euro inbertituko dira jarduera honetan. Obra lizitatzeko zorian dago, eta behin adjudikatutakoan, udan egingo da. Datozen asteetan emango da obraren hasierari eta xehetasunei buruzko informazioa.

Azkenik, Antzokiak antzerkiaren elementu eszenikoak hobetzen ere inbertitu du. Horrela, eszenako makineria eta argiztapena, eta ikus-entzunezko instalazioak eta soinua egokitu eta modernizatu dira, 30.000 eurotik gorako partidarekin.

(ITURRIA: Barakaldoko Udala)

Twitter

Facebook